ပင်လောင်း မြို့ကို အပန်းဖြေ စခန်း မြို့အဖြစ် တည်ဆောက်မည်

ရန်ကုန်    နိုဝင်ဘာ    ၁၁

ရှမ်းပြည်နယ် ပအိုဝ်း ကိုယ်ပိုင်အုပ်ချုပ်ခွင့်ရ ဒေသရှိ ရေမြေတောတောင်နှင့် သဘာဝရှုခင်းများ ကြွယ်ဝပြီး သာယာမျှတ သော ရာသီဥတုရှိသည့် ပင်လောင်းမြို့ကို

အပန်းဖြေ စခန်းမြို့အဖြစ် တည်ဆောက်သွားမည် ဖြစ်ပြီး နေပြည်တော် - ပင် လောင်း - အင်းလေး ဒေသအထိ အပန်းဖြေခရီးစဉ် တစ်ခု ပေါ်ပေါက်လာရန် ဆောင်ရွက်သွားမည် ဖြစ်ကြောင်း  သိရသည်။ ပင်လောင်းမြို့သည်  ပင်လယ်ရေမျက်နှာပြင် အထက် ပေ ၄၈ဝဝ တွင်   တည်ရှိပြီး သင့်တင့်မျှတသော  ရာသီဥတု ရှိသည်။ ပင်လောင်းမြို့နယ် တောင်ကျကျေးရွာ အနီး၌ ရေပူစမ်း အပန်းဖြေစခန်းများ တည်ရှိပြီး ပင်လောင်းမြို့နယ် အတွင်း ၌   ရှေးဟောင်းသမိုင်းဝင် စေတီပုထိုးများ  တည်ရှိခြင်းတို့ကြောင့် အပန်းဖြေ စခန်းမြို့အဖြစ်  တည်ဆောက်သွား ရန် စီစဉ်နေကြောင်း သိရသည်။

တောင်ပေါ် အပန်းဖြေစခန်းမြို့ ဖြစ်လာမည့် ပင်လောင်းမှ ညောင်ရွှေမြို့နယ် အင်းလေးကန်နှင့်  ဖောင်တော်ဦး ဘုရားသို့  အလွယ်တကူသွားလာ ဖူးမြော်နိုင်သည့်အပြင် ရှမ်းပြည်နယ်(တောင်ပိုင်း)  အထင်ကရ မြို့တော်ဖြစ် သည့် တောင်ကြီးမြို့ သို့လည်း အချိန်တိုအတွင်း  သွားလာနိုင်ခြင်းတို့ကြောင့်  အဆိုပါ နေပြည်တော်- ပင်လောင်း- အင်းလေး ခရီးစဉ်သစ်မှာ  အောင်မြင်မှုရမည်ဟု ခရီးသွားလာရေး အေဂျင်စီများက မှန်းဆထားကြသည်။ ယင်းသို့ တောင်ပေါ်အပန်းဖြေ စခန်းမြို့ အဖြစ် တည်ဆောက်ရန် လျာထား စီမံကိန်းမြေကို  ကွင်းဆင်းလေ့လာမှုများ ပြုလုပ်နေ ပြီဖြစ်ကြောင်း သိရသည်။

ယင်းအပြင် ပင်လောင်းမှတစ်ဆင့်  အင်းလေးဒေသသို့ သွားရောက်နိုင်ရန် နေပြည်တော်- တပ်ကုန်း- ပင်လောင်းလမ်းကို   အဆင့်မြှင့်တင်ခြင်း လုပ်ငန်းများ ဆောင်ရွက်သွားမည်ဖြစ်ပြီး အောင်ပန်း- ပင်လောင်း- လွိုင်ကော် လမ်းပိုင်း အဆင့်မြှင့် တင်ခြင်းလုပ်ငန်းများ၊ ဆက်သွယ်ရေး လွယ်ကူလျင်မြန်စေရန် တာဝါတိုင်များ တိုးချဲ့ခြင်းနှင့်  ကုန်စည်ဒိုင် တည်ဆောက် ခြင်းများ လုပ်ကိုင် ဆောင်ရွက်လျက် ရှိနေပြီဖြစ်ကြောင်း သိရသည်။

http://myawady.net.mm/allnews/localnews/item/54582-2014-11-12-13-26-35