အိုဘားမား မိန့်ခွန်းပြောမည့် စိန်ရတုခန်းမ ပြင်ဆင်ရန် Excellent Unit လေလံအောင်
အမေရိကန်သမ္မတ အို ဘားမားမိန့်ခွန်းပြောကြားမည့် ရန်ကုန်တက္ကသိုလ်စိန်ရတု ခန်းမ ပြင်ဆင်ခြင်းလုပ်ငန်း တင်ဒါခေါ် ယူရာတွင် Excellent Unit ဆောက်လုပ်ရေးကုမ္ပဏီက လေ လံအောင်သွားကြောင်း သတင်း ရရှိသည်။အဆိုပါ အဆောက်အအုံ ပြင်ဆင်ရေးအတွက် ကုမ္ပဏီလေး ခု ၀င်ရောက် လျှောက်ထားခဲ့ပြီး Excellent Unit ဆောက်လုပ်ရေး လုပ်ငန်းက တင်ဒါအောင်မြင်ခဲ့ သဖြင့်ပြင်ဆင်ခြင်းလုပ်ငန်းများ နိုဝင်ဘာ ၉ ရက်မှ စတင်ဆောင်ရွက်နေပြီဖြစ်ကြောင်း သတင်းရရှိသည်။
အရှေ့တောင်အာရှ လူငယ် ခေါင်းဆောင်မှုစွမ်းရည် အစီအ စဉ်မှ လူငယ်များအား အမေရိကန် သမ္မတအိုဘားမား နိုဝင်ဘာ ၁၄ ရက်တွင် တွေ့ဆုံမိန့်ခွန်းပြောကြားမည်ဖြစ်ပြီး အဆိုပါ အခန်းကို ပြင်ဆင်နေခြင်းဖြစ်သည်။
အာဆီယံထိပ်သီး အစည်း အဝေးတက်ရောက်မည့် အမေရိကန်သမ္မတ အိုဘားမားသည်မြန်မာနိုင်ငံသို့ နိုဝင်ဘာ ၁၂ ရက် တွင် ရောက်ရှိမည်ဖြစ်ပြီး နေပြည် တော်၌ ပြုလုပ်မည့် အာဆီယံထိပ်သီးအစည်းအဝေး တက်ရောက်ပြီးနောက် နိုဝင်ဘာ ၁၄ ရက်တွင် ရန်ကုန်မြို့သို့ လာရောက်၍ ဒေါ်အောင်ဆန်းစုကြည်နှင့် သူမ၏ နေအိမ်တွင် တွေ့ဆုံကြမည် ဖြစ်သည်။
No comments:
Post a Comment